WAVES OF DISTRESS
PAROLA CAPE
AMARA GEORGINA’S POINTS OF VIEW.
Magmula nang paalis ko sa kompanya ng Saroso si Auntie Eliza at si Emily ay hindi na sila kailanman nagparamdam ulit sa amin at masaya ako para roon. Buti naman at baka napagtanto na nila ang kakapalan ng ginawa nila sa araw na iyon. Mabuti sana kung malaki ang ginawa nila para sa akin at naging mabuti sila pero hindi eh, hindi nila ako tinuring na pamilya.
Lumipas na rin ang isang buwan at katulad nang sinasabi ko palagi kay Tobias ay titigil na muna ako sa pag ta-trabaho at mag fo-focus na muna sa pag-aalaga kay baby namin na nasa aking tiyan pa lamang. Nandito na ako sa Governor Generoso at dito ako nakatira sa beach house dati ni Tobias na bahay na namin ngayon. Ang daming nag bago rito pero maganda naman ang pinagbago
