Nang gabi ring iyon ay tinawagan ako ni Macy. Ang dami niyang mga tanong sa akin. Kaya naman kinuwento ko sa kanya ang lahat ng mga nangyari.
"So… sa tingin mo ay gumaganti siya sa 'yo kaya ganyan ang ginagawa niya ngayon?" tanong niya.
Kinagat ko ang aking ibabang labi. Pinagmasdan ko si Ellie na ngayo'y mahimbing na ang tulog.
"Oo," huminga ako ng malalim. "Hindi ko naman siya masisisi. Nasaktan ko siya."
"Your intention was good, though," aniya. "Ang mali mo lang... hindi mo kasi sinabi sa kanya. Kaya naman naging ganyan kayo ngayon."
May mga gusto pa akong sabihin ngunit nangunguna sa aking puso ang sakit na nararamdaman. Hindi maalis sa isip ko si Timothy at Mary Rose. They're working together. Araw-araw silang magkasama. At base sa mga kilos ni Mary Rose, malapit na siya sa akin
