"I trust you, Timothy," sa wakas ay nasambit ko rin pagkatapos ng mahabang katahimikan.
Ang kanyang yakap ay mas lalong humigpit. Ang nanginginig niyang mga balikat ay siyang nagpapahiwating ng kanyang pag-iyak. Kinagat ko ang aking ibabang labi para pigilan ang sariling luha.
"Hindi ko… h-hindi ko iyon magagawa sa 'yo, Scarlett. Sa inyo ni Ellie," ang magaspang niyang boses ay siyang bumibiyak sa aking puso. "Kahit kailan, kahit hindi tayo ayos noon, hinding hindi ko magagawa iyon."
Kahit na anong pigil ko ay kusa pa ring bumagsak ang aking mga luha. Naniniwala ako sa kanya dahil mahal ko siya. Naniniwala ako sa kanya dahil asawa ko siya.
Oo nga't may mga pagkakamali siyang nagawa sa akin noon… sa relasyon namin, ngunit alam kong dala lamang iyon ng tukso at temptasyon. Matagal ko nan
