CHAPTER 48
MR. DAVID's POV:
LASING na lasing ako nang umuwi ako sa bahay. Pasado alas onse na nang gabi nang makarating ako.
Masyado akong napasarap sa pag-inom ng alak at hindi ko man lang namalayan ang oras.
Nang makauwi ako, walang bata ang sumalubong sa akin sa pinto. Siguro ay natutulog na ngayon ang anak ko katabi ang inaakala nitong mommy niya.
Kaya ang nagbukas ng pinto ay walang iba kundi si Janeth na hanggang ngayon ay gising na gising pa at animo'y hinihintay talaga ng babae ang pag-uwi ko.
"Mabuti naman at naisipan mo pang umuwi Sir David. Akala ko kasi ay naligaw ka na sa daan kaya hindi mo alam kung saan nakatayo ang bahay mo," bungad na wika ni Janeth para sermonan ako.
Pero sa halip na mairita ako sa boses ng dalaga ay napangiti ako nang husto dahil siya lang naman
