Nang magising si Warren noong sumunod na umaga ay wala na sa higaan si Anastasia. Pupungas-pungas siyang bumangon at napatingin sa orasan. Alas siete ng umaga. Wala na naman siyang planong magpunta sa ospital dahil mas gusto na niyang nagtratrabaho sa bahay kung saan kasama niya si Stacy. Hihikab-hikab na napatingin siya sa pinto ng banyo sa loob ng kanyang kuwarto. Bukas iyon at nakikita niya ang ilaw na nanggagaling mula sa ilalim niyon. Kaagad siyang bumangon, napapangisi pa. Balak niyang gulatin ang asawa niyang tiyak na hindi alam na gising na siya.
Inabutan niya ito na nakatayo sa harapan ng salamin, nakahawak sa may tiyan nito at pinipisil-pisil ang balat nito. Nang mapansin na nakatayo siya sa may likuran nito ay kaagad itong nagsuot ng sleeping robe at inayos ang buhok nito.
“O,
