Third Person’s POV Gabi na nang makabalik si Adonis sa bahay nina El dahil matapos makipag-usap kay Vichelle kanina, pumunta pa siya sa bahay ng tiyuhin para makita ang iba pang nakababatang kapatid kasama si Peter at doon na naghapunan. Ang tatay nila ay nasa hospital pa, binabantayan ang kanyang ina na sinisimulan na ang pagpapagamot. Hindi marunong mag-drive ng kotse si Adonis kaya tanging tricycle lang ang sinakyan niya pauwi at nilakad ang distansya papasok sa kanilang mansyon. Mag-aalas diyes na ng gabi nang kumatok siya sa front door at ang bumukas nito ay si El. “Asawa ko, hindi ka pa tulog? Pasensya na’t ginabi ako kasi hindi ko na namalayan ang oras kasama sina Peter.” “That’s fine, naiintindihan ko. Kumain ka na ba? May niluto ako pero ‘di ko naubos eh,” sambit ni El at t