Third Person’s POV
Pagkauwi nila sa mansyon ni El na noon ay may nakaukit na last names nina Rayver, ngayon ay tanging Mirafuente domicillo na lang ang natira at tinanggal ang Salvador. Sumalubong sa kanila ang nakataling kabayong si Spear at maya-maya nga’y lumabas rin ang may-ari nito mula sa front door.
“Ate! Welcome back!” nakangiting sambit ni Knives at sinalubong si El ng yakap. Sa edad na kinse, mas matangkad na siya sa nakatatandang kapatid kaya kinailangan pa nitong yumuko ng bahagya.
“Hello baby Kiv. Naparito ka?” bati pabalik ni El tsaka ginulo ang buhok nito.
“Na-miss lang kita at nasa loob rin sina Mamá. Hindi na ata sila makapaghintay na kausapin ka.”
“Ganoon ba? Sige, pumasok na tayo.”
“Mauna ka muna, ate. Gusto ko ring kilalin itong si kuya saglit,” nakangising samb
