"Hindi mo ba kayang uminom ng mag-isa?" wika niya sa halip naman na magbigay komento sa sinabi nito.
"Mas masaya kapag may kasama," sagot naman nito sa kanya. Akmang magsasalita muli siya ng unahan na naman siya nito. "Huwag kang mag-alala, ipagpapaalam kita," mayamaya ay wika nito na may ngisi sa labi.
Bahagya namang kumunot ang noo niya. "What do you mean?" tanong niya.
Sa halip naman na sagutin siya nito ay inilabas nito ang cellphone nito sa bulsa ng suot nitong pantalon. At saka ito may tinawagan.
"Hello, Zoey?"
Bahagyang nanlaki ang mga mata niya ng banggitin nito ang pangalan ng girlfriend niya. At sa sandaling iyon ay hindi niya alam kung tinawagan ba talaga nito si Zoey o hindi.
"It's me, Jackson. Greyson cousin," pagpapakilala pa ni Jackson. Nanatili naman ang tingin
