"Are you serious? Alam mo namang masama ang mambintang, hindi ba? Pwede ka nilang ipakulong dahil diyan!"
Maingay na sumusunod si Tylus sa akin habang naglalakad. Maya't maya naman ang pagtigil niya sa pagsasalita dahil nagtatanong ako ng direksyon. Aniya kanina ay malapit lang ngunit ilang minuto na kaming naglalakad sa madilim na kalsada ay wala pa rin akong Pedro Macaspac na nakikita.
"Ang sabi mo kanina ay tatay ni Kyla si Deputy. Paano mo iyon nalaman? Kabit ni papa ang nanay ni Kyla kaya kami naging malapit ngunit hindi ko alam ang parteng iyan."
Hindi ko siya pinansin at pinanatili ko lamang ang diretsong tingin. Bahala kang kumuda ng kumuda diyan, basta ako, magzeseryoso sa paglalakad at baka madapa pa ako o mahulog sa kung saan, mahirap na.
"Pinainbestiga mo? May iba ka pang k
