Lanie's Pov:
Matapos sabihin ni Rev ang mga iyon ay mas tinamisan ko ang pagkakangiti at buong pusong nakinig sa mga papuri ni Gyra sa lolo n'ya.
Pakiramdam ko nga ay mawawasak na ang mukha ko sa kakangiti kahit pa gustong-gusto kong masuka sa mga sinasabi n'ya.
"Hindi ko alam kung wala talaga s'yang alam sa ginagawa ng lolo n'ya o magaling lang talaga s'yang magpanggap na inosente." Huminga pa nang malalim si Rev matapos sabihin iyon.
"Teka Lanie, nakikinig ka ba?" Bahagya pang iwinagayway ni Gyra ang kamay n'ya sa harap ko.
Natatawang hinawakan ko ang kamay n'ya at ibinaba iyon. "Oo naman. Natutuwa lang talaga akong makita ka dito. Hindi ko inaasahan na sa lahat ng lugar ay dito kita makikita."
"Oo nga. Kahit ako ay hindi makapaniwalang may nakita ako ditong kaibigan mula sa Alpa
