Lanie's Pov:
Ilang minuto ang lumipas at nanahimik lang si Jackques. Ni hindi n'ya pinansin ang mga matang nakatingin sa kanya. Tanging mabibigat na paghinga lang ng mga nasa silid ang maririnig. Bukod doon ay wala na at nakakabingi talaga ang katahimikan.
Kahit ako naman ay sobrang nasaktan sa mga narinig. Hindi ko akalain na sobra pa ang pinagdaanan ni Tito Kronos bago s'ya mawala at hanggang ngayon ay hindi pa s'ya mabigyan ng maayos na libingan dahil wala la ang katawan n'ya.
Sa aming dalawa ni Jackques, ako ang madalas na magpakita ng galit. Ako ang laging kailangang kalmahin dahil hindi ko alam kung paano kontrolin ang emosyon ko. Ako ang laging inaalala ni Jackques dahil ako ang nilalamon ng poot at paghihiganti.
Ngunit sa nakikita ko ngayon ay parang nagkapalit kami. Nasa mga m
