Lanie's Pov:
Wala kaming pagpipilian ni Yshmael kundi maging mas malambing sa isa't-isa para tanggalin ang kung anumang pagdududa sa amin ng mga staff ng club.
Hindi din nasunod ang plano namin na umakyat agad sa ikalawang palapag para kahit paano ay maniwala ang mga nag-oobserba sa amin na hindi lang kami nagpapanggap na magkasintahan.
Isa din naman ito sa inaasahan naming posibleng mangyari dito sa loob.
Ginagawang secret meeting place ang Club 65 kaya sobrang nag-iingat ang bawat staff ng bar. Hindi man alam ng mga staff kung anong uri o kung masama ba ang mga nangyayaring pagpupulong sa lugar na ito ay mas prayoridad pa din nila ang tungkulin at responsibilidad nila sa bar.
Kahit pa nga sabihing nakaapasok na kami dito sa loob ay may pagdududa pa din ang mga staff sa amin. Iilang
