Lanie's Pov:
"Dito ba?" Takang tiningnan ako ni Jackques bago muling tiningnan ang kasukalang nasa harapan namin.
Itinuro ko ang mataas at makapal na pader na nagsisilbing hangganan ng Saint Augustine. May kalayuan iyon mula sa amin na parang ngayon ko lang napansin.
"Dito nga."
Nangunot ang noo ng lalaki. "Nakakapagtaka lang na may sekretong daan dito. Nalaman mo ba kung bakit mayroon ditong ganitong daan?"
Hinawi ko ang isang makapal na halaman. "Sekreto nga, hindi ba? Kung alam ko ay di sana noon pa lang ay nalaman ko na ang misteryong kaugnay ng daan na ito."
Narinig ko pa ang pagrereklamo ni Jackques pero agad din naman s'yang sumunod sa akin.
Tanging kaluskos lang ng mga dahon at mga tuyong sanga ang naririnig sa bahaging ito ng eskwelahan. At ang mumuting reklamo ng kasama k
