Chapter 26
Masakit man, ngunit kailangan ni Rian ipagpatuloy ang buhay alang-alang sa sarili at sa mga taong laging andiyan para sa kanya at laging nagmamahal. Sa mga nakalipas na ilang araw ay naging abala s'ya sa pag-aaral at pagbibigay ng oras kay Keianna. Ibinuhos n'ya ang buong atensiyon sa mga ginagawa. Sinikap n'yang laging abalain ang sarili nang sa ganun ay hindi n'ya maisipan ang ginawa sa kanya ni Logan. Masakit ang katotohanang nagawa siyang saktan at lukohin nito. Ngunit, kailangan n'yang sikapin na magpatuloy sa buhay at piliting ialis ito sa kanyang puso't isipan. Mahirap, napakahirap, dahil buong puso n'ya itong minahal.
Sa loob ng limang araw, hindi niya sinasagot ang mga tawag nito. Pinigilan niya ang sarili kahit gustong-gusto na n'yang damputin ang cellphone para sag
