Ika-apatnapu’t Siyam na Kabanata
Teamwork
Point of View: Third Person
Binuhusan ni Clairn ng tubig ang nag-aalab na apoy nang matapos siyang magluto. Dahil sa gutom niya ay hindi na niya napigilan pang gumawa ng apoy para magluto. Hindi niya rin sigurado kung kailan ulit siya makakakain ng ganito sa mga susunod na araw kaya sinulit na niya.
Hindi naman iyon nagtagal kaya hindi na rin siya nabahala. Isa pa, hindi naman bago sa parte ng lugar na ito ang mga nagluluto sa gitna ng kagubutan lalo na ang mga hiker. Ngunit bilang pag-iingat na rin ay hindi sila maaaring magtagal sa parteng ito ng gubat para maiwasan ang mga kawal na nag-pa-patrol.
Kagat-kagat niya ang hita ng baboy na kaniyang nahuli kanina nang gumalaw si Olivia sa kinahihigaan nito. Napataas pa ang kilay niya nang unti-unt
