Matapos niyang umubo ay nagsalita siya, "Sino ang lalaking dinala mo dito sa bahay? Sabi ng papa mo ay nagdala ka raw ng may sakit? Nakikita mo na ang kalagayan ko ay nagagawa mo pang magdala ng ibang problema dito!? Ano ka ba naman, Chelsey!"
Ang sakit ng sinabi ni mama. Napalunok pa nga ako, ilang beses na niya akong pinapagalitan at binubungangaan, akala ko ay immune na ako pero nasasaktan pa rin ako sa mga sinasabi niya. But I am somehow glad na hindi naririnig ito ni Sean.
"Ma, sorry, aalis din po si Sean bukas. Eh kasi natataranta din po ako sa mga nangyari, malapit na po ang sahod ma, makakakain na din po tayo ng masasarap."
"Hindi ang sahod mo ang problema ko, baka naman syota mo ang lalaking yun ha?"
Sumabat ako kaagad sa kanya, "Anong syota ma? Wala po akong boyfriend, mara
