Pagtapos kong bumili ay dumalaw na ako sa presinto. Sa dating pwesto ako naupo at nag hintay ako ng ilang sandali bago ko nakita si Sean. Nalungkot ako kasi naka kulay orange na siya ngayon at napansin kong parang may pasa ang kanyang kanang mata.
Sinundan ko siya ng tingin hanggang sa makarating siya sa tapat ko at nang iwan siya ng pulis ay hindi ko napigilan ang sarili ko, lumapit ako sa kanya ng may pag aalala.
"Oh my gosh! Anong nangyari sayo ha?" tanong ko.
Ngumiti lang si Sean, "Nadamay lang ako sa away kanina sa loob ng presinto. Eh ang dami kasing mga nagkarambola at napagtripan ako. Buti nga at ito lamang ang pasang natanggap ko kanina. Ang iba, mas grabe pa ang natanggap rito."
Umupo siya at kinuha ang pagkain na binili ko para sa kanya.
"Salamat sa pag punta mo Chelsey
