"Apo, pagkatapos nating maghapunan ay ipasyal mo sa gulid ng dagat itong si Yoona. Maganda ang dagat ngayong gabi, lalo pa't bilog ang buwan," aniya ni Lola Carla habang kumakain sila.
"Yes, Lola. Hindi ka ba sasama sa 'min?" tanong ng binata.
"Hindi na apo dahil matanda na ako, hindi ko na kaya ang lamig sa labas kapag ganitong gabi na," tanggi nito.
"Sige po, Lola. Magpahinga na lang po kayo at matulog kayo ng maaga," tugon nito.
"Ano, Hija, okay lang ba sa 'yo na pumunta kaya sa gild ng dagat mamaya? Puwede rin kayong maligo tutal maligamgam ang tubig-dagat ngayong gabi dahil mainit ang panahon kaninang umaga," sambit nito sa dalaga.
"Oo naman po, Lola. Alam ninyo po, matagal ko na talagang gustong pumunta ng dagat lalo na sa gabing bilog ang buwan," pakli niya.
"Mabuti naman kung
