Chapter 10
Family
Sa totoo lang, hindi naman iyon ang kauna-unahan na pumunta ako sa beach. Syempre, nag-outing na rin kami ng pamilya ko. Pero hindi ko naramdaman yung saya sa outing kaya nilagay ko iyon sa bucket list ko, na baka kapag hindi ko kasama ang pamilya kong pumunta sa beach ay magiging masaya at makakahanap ako ng kapayapaan kahit papaano. At hindi nga ako nagkamali dahil parang unti-unting gumagaan ang bigat na nararamdaman ko sa aking puso.
Noon kasi kapag may outing kami, hindi nila pwedeng hindi makalimutan na ikumpara ako sa mga pinsan ko. Na kahit matataas naman ang grades ko ay bakit hindi raw ako gumaya sa mga pinsan ko na matuto sa gawaing bahay, paano raw ang magiging asawa ko? Na dapat matuto ako sa gawaing bahay dahil iyon ang trabaho ng isang tunay na babae. P
