متاهة الحب

(البداية )1

Tina#

مع آخر نفس في شقة السيدة عائشة وكلمات معتادة ( منجلكيش في حاجة وحشة يا حبيتي )

( البقاء لله )

(ربنا يجعلها آخر الأحزان ) 

وبعدها قفلت فريدة الباب ودخلت الاوضة فيها سرير واحد عقدت علي طرف السرير وهي بتعيط وبتلمس باديها مكان معين من السرير وهي بتقول فريده : الله يرحمك يا ماما بتعيط فريدة وهي بتبص علي الصور المتعلقة

وهي بتحضن مامتها فيها .. وصور وهي صغيرة وبتحضن باباها ومامتها و وسط زحمة أفكارها دي

....

خبط الباب فاقت فريده من غيبوبتها المؤقتة وسط الذكريات ...

فريده : خير يا عم إبراهيم ..  

عم إبراهيم :طب قوليلي اتفضل الأول .

.فريده: طبعا اتفضل بس انا هنا لوحدي زي ما حضرتك عارف .. 

عم إبراهيم :يابنتي انتي زي بنتي وعشان تتطمني خلي الباب مفتوح ..

فريدة: انا مقصدش بس ..

وقبل ما تكلم كلامها 

 عم إبراهيم : ليكي حق تخافي يابنتي الدنيا مبقاش فيها امان (عم إبراهيم) : بصي يا بنتي ... انتي عارفة الظروف اللي الواحد فيها ومفيش حد بيرحم التاني و

فريده : من غير ما تكمل يا عم إبراهيم ،، انا عارفة اني متأخرة في الإيجار 6 شهور بس حضرتك عارف الظروف ماما تعبت وانا كان لازم اقعد من الشغل .. لاني مش كنت اقدر أوفق بين شغلي والكلية وماما ..وأنا انشاء الله هجيب الإيجار قريب

 عم إبراهيم :قريب أمتي يعني

.فريده : يعني علي الشهر الجاي انشاء الله ؛ انا هنزل ادور علي شغل كمان وبإذن الله يوصلولك الإيجار .

عم إبراهيم :وانا هستني بس علي شرط

فريدة : اتفضل 

عم براهيم : ميجوش ناقصين حاجة أظن كده عداني العيب. 

فريده : حاضر يا عم إبراهيم حاضر

عم إبراهيم : بالاذن أنا بقي

فريدة : اتفضل

#

#

قفلت فريده الباب ونفس عم إبراهيم لسة موجود في المكان بكلامه اللي زود مشاكلها بمشكلة جديدة ولكن حزنها علي مامتها لغي ده ودخلت لاوضه ..

ذكرياتها عشان تحضنها من جديد ....

فجأة #

بيرن تليفون فريده .. بتبص علي اسم المتصل بتلاقيها ( أماني ) بتخ*ف التليفون كأنه طوق نجاة من احزانها ومن دموعها اللي زي الشلال اللي مش عارفة توقفه أو حتي تتاقلم معاه .. هي مش عارفة غير تغرق فيها وبس

#

#

أماني : اخبارك اية يا حبيتي عملة اية دلوقت ؟؟

فريده: مش كويسة خالص،، يا أماني انا تعبانة مش عارفة ازاي هعيش من غيرها .. أمي دي حياتي كان نفسي اروح معاها لية سبتني لوحدي بس ويكون صوت فريده حزين جدا ومجروح

أماني : اية الكلام ده يا فريده انا معرفش عنك كده استعيذي بالله من الشيطان الرجيم .. حرام عليكي بلاش تعملي كده في نفسك ...

فريده : أعوذ بالله من الشيطان الرجيم .. انا بس تعبانة كان نفسي تكون معايا دلوقتي

أماني : هي معاكي يا فريده .. هي جواكي .. ده انتي نسخة منها جربي تبصي لنفسك في المرايا مش هتلاقي غيرها .. وهي اكيد مش هترضي يكون حالك كده

فريده : بس مش هلاقي حد ياخدني في حضنه زيها

أماني : هو انا صحيح مش زيها بس انا معاكي وعمري ما هسيبك وبعدين ربنا يخليلك( ابتسام )اختك .. هي فين صحيح ؟؟

فريده : روحت مع جوزها وعيالها

أماني : طيب انا عاوزاكي تقومي تنامي بقي بس قبل ما تنامي اتوضي وصلي ركعتين كده عشان تروحي الجامعة بكرة

فريده : جامعة اية بس انا تعبانة ومش قادرة:(

أماني : لا يا فريده انتي فاتك كتير مش ينفع وانتي قاعدة من زمان والامتحانات قربت فاضل شهر ونص

فريده : بس انا لازم ادور علي شغل .. صاحب البيت هيطردني لو مش دفعت الإيجار المتأخر .. وانتي عارفة اني مش ليا مكان غير ده

أماني : خلاص يبقي تروحي الجامعة وبعد الجامعة ندور سوا وانا هكلملك (عمار ) يمكن يكون عنده شغل ليكي ..

فريده : اشكرهولي اوي يا أماني

أماني : انتي ع**طة يا بنتي خليك في اللي انتي في .. وعلي فكره (قاسم) كلم عمار وبيقول انه زعلان عشان مبترديش عليه

فريده : انا هقوم أصلي يا أماني

أماني : وانا هعدي عليكي الساعة 8 هكون عندك

فريده : انشاء الله سلام

#

#

#

رمت فريده التليفون علي السرير وقامت وفقت قدام المرايا وافتكرت كلام أماني

( ده انتي نسخة منها جربي تبصي لنفسك في المرايا مش هتلاقى غيرها )

كانت مندهشة ومش مصدقة دي اول مرة تحس فيها الكلمة وتشوفها بجد .. طول عمرها الناس بتقولها انتي نسخة مصغرة من مامتك حست وقتها كأنه جسد بس ب روحين وابتسمت لأول مرة وراحت توضي ....

###

وفي نفس الوقت في فيلا سالم : دخل حسن مش شايف قدامه حاجه وبيجري علي السلالم

(جومانا ) نايمة فوق و (طارق ) واقف باصص ل سالم بيه بتركيز وهو نايم علي السرير

حسن : اية اللي حصل ل بابا يا طارق انا كنت سابيه كويس

طارق : اهدي يا حسن وتعال نتكلم برة هو لسة واخد حقنة مهدئة ونام من شوية

خرج طارق وحسن من الاوضة وفاقت جومانا علي صوت حسن وخرجت وراهم

حسن : فهموني اية اللي حصل... بابا ماله والدكتور قال اية حد ينطق..

بتبص جومانا لطارق بخوف

جومانا :......

####

ستوووب وانتهي البارت الأول هو طويل شوية ؟؟

ايه التوقعات ل البارت 2 ؟؟

وأيه اللي حصل ل سالم بيه ؟

وجومانا ليه متوترة وهتقول ايه لحسن ؟؟

تفاعل مع الرواية الأول وبعدها هكتب البارت التاني

سيووووو