"Maa'm, pwede po ba makahingi ng isang linggong day off?"
Napaangat ako ng tingin nang sabihin 'yon ni Yaya Jean. Kasalukuyan kaming nag-aalmusal nang lumapit siya sa akin.
"Bakit? May pupuntahan ka?"
Tumango siya, "Opo, gusto ko po sanang bisitahin ang mga kamag-anak ko sa Ilocos, ilang taon na po kase akong hindi nakakauwi."
Agad akong napatingin sa kambal. Paano kaya 'to? Hindi pwedeng walang maiwan sakanila dito sa condo, may trabaho ako at gano'n din naman sila Harriet.
"Hindi ba pwedeng kahit tatlong araw lang? Walang magbabantay sa kambal, eh."
Nakita ko ang paglungkot ng mukha nito.
"Alright, fine. One week, Jean. I will let you enjoy your vacation there, tsaka ngayon ka lang naman humingi ng day off. Ako nang bahala sa kambal."
Agad namang lumiwanag ang mukha nito
