Naging maayos naman ang araw ng biyernes at sabado dahil simula no'ng hinatid kami ni Nickolai ay hindi ko na ulit siya nakita.
Ngayon ay araw na ng linggo, kasalukuyan kaming nag-aalmusal ni Marga kasama si Leo, si Connor at si Blow. Wala pa rin si Nickolai.
Mukhang sobrang busy sa paghahanda sa birthday niya.
"How's school, Virgo?" Basag ni Connor sa katahimikan.
Agad akong huminto sa pagkain at tinignan siya.
"A-Ayos lang naman, nakakasabay na paunti-unti sa mga lesson," saad ko.
"I heard from a professor that you're actually doing great, halos lahat ng activities niyo, ikaw ang nangunguna sa scoring, keep it up."
Nagulat ako sa sinabi niya. Totoo ba? Hindi ko naman kase nakikita ang score ng iba pag may mga activities kami, hindi ko ugaling magkumpara. Nakakagulat lang
