Romano’s POV
“Romano, akala ko ba ihahatid mo na ako sa bahay? Hindi naman ito ang daan papunta sa bahay namin, eh!” nagtatakang tanong sa akin ni Rossa. Napangiti naman ako nang saglit siyang lingunin.
“Well, may karugtong pa iyong surprise ko para sa iyo kagabi. At iyon ang pupuntahan lang muna natin saglit tapos ihahatid na kita sa inyo,” sagot ko. Pero nakatutok lang ang paningin ko sa daan. Ako kasi ang nagda-drive ngayon dahil si Kobe ang pinagbantay ko roon sa sorpresa ko para kay Rossa.
Matagal ko ring pinag-isipan ang regalo kong ito para sa kaniya. Excited na nga ako dahil pina-customize ko talaga iyon para lang sa kaniya. Medyo napagastos nga rin ako para pati plate number ay personalized.
“Surprise na naman? Ano naman kaya iyan? Bigla akong kinabahan,” bumubungisngis na sag
