"Ayos ka lang? Huwag kang kabahan... relax ka lang. Inhale and exhale," malambing na wika ni Lazarus sa kanyang nobya.
Iyon ang araw na ipakikilala na niya si Laureen sa kanyang mga magulang. Kitang -kita niya ang kaba sa mukha ni Laureen. Napakaganda ng kanyang nobya sa suot nitong blue dress na hapit sa katawan at hanggang tuhod ang haba. Simpleng make up lang din ang inilagay ni Laureen sa kanyang mukha ngunit napakaganda na niya.
"Paano kung hindi ako matanggap ng mga magulang mo? Paano kung biglang may senaryong, layuan mo ang anak ko! Ito limang milyon, maglaho ka! Kukunin ko talaga iyon," wika ni Laureen sabay tawa.
Tumawa na rin si Lazarus sabay pisil sa pisngi ng kanyang nobya. "Sobra ka naman. Huwag kang lumayo gagawin kong twenty million ang bayad. Pero walang ganoong eksena.
