"Nasaan si pangit?" tanong ni Lazarus nang makarating siya sa nasabing bar.
"Nandoon sa kusina. Nagluluto ng fries at sisig. Bakit mo pala siya hinahanap?" wika naman ni Melissa.
Mabilis na umiling si Lazarus bago sumenyas sa isang waiter doon na bigyan siya ng maiinom. Agad namang sumunod ang waiter. Tumingin si Lazarus kay Melissa.
"Kanina ko lang nabasa ang message mo sa akin, ate. May problema ka po ba?"
Humugot ng malalim na paghinga si Melissa bago tumingin sa binata. "Eh kasi... wala na akong pera para patakbuhin ang bar na ito. Nagagamit ko rin dahil sa mga expenses ko pati na sa anak ko. Babalik na lang ako sa bahay namin. Ayos lang naman sa mga magulang ko at mas gusto nga nila dahil kasama nila ang apo nila. Sila na ang magbabantay sa anak ko. So ang balak ko, ibenta na lang
