Kabado si Maya habang nakatayo sa harapan ng magarang gate, ngayon ang simula ng trabaho niya. 10AM pa ang call time niya pero inutusan siya ng tumawag sa kanya kagabi na agahan niya ang pag pasok bukas para daw ma-orient siya sa mga house rules kaya naman at exact 7am nasa harapan na sila ng Tizon Mansion. Buti na lang talaga maaga na gising ng kusa ang anak niya kaya mabilis silang naka gayak at naka-alis.
Mahigpit ang hawak niya sa kamay ng anak, nanlalamig ang kamay niya pero dahil kay Trixie pinipilit niyang maging kalmado. Nang papasukin na sila ng guard after niyang i-face scan pati na din si Trixie para sa security protocol, puno daw kasi ng CCTV ang buong mansion dahil iyon daw ang gusto ng asawa ng señora na nasa ibang bansa, naka CCTV monitor daw ang matanda 24 hours at gusto
