Chapter 55
Hindi alam ni Robin kung paano ipapaliwanag kay Conny ang nangyari kanina sa Lazeu. Ngayon ay narito sila sa bahay niya kasama si Khia upang tulungan siyang ipaliwanag kay Conny ang lahat.
“Galit ka ba?” tanong ni Robin sa kaibigan.
“Galit? Hindi, nagtampo at nagulat? Oo.” Sabi ni Conny
Nasa kwarto sila at nasa kama si Robin at Conny samantalang si Khia ay nasa sofa katapat nila taban ang malaking teddy bear ni Robin.
“Hindi ko alam na totoo ang mga bampira, ang alam ko nga ay sa libro at mga palabas lang iyon,” sabi ni Conny.
“Kung ganoon ay may dahilan kung bakit hindi mo ikinwento sa akin ang tungkol sa inyo ni Alex.”
Tumango siya sa kaibigan at hinawakan ang mga kamay nito.
“Hindi ko gustong ilihim sa ‘yo. May mga bagay lang na hindi ko maaaring sabihin sa ‘yo no’
