“Duncan, please! Tulungan mo ‘ko! Ayokong mabulok sa bilangguan,” hilam sa luha ang mga matang pagmamakaawa ni Crystal habang pilit itong nagpupumiglas mula sa mahigpit na pagkakahawak ng mga pulis sa magkabila nitong braso.
Tiim-bagang naman nakatingin dito si Duncan habang walang emosyon ang mababanaag sa mga mata nito.
Nang makasalubong ni Alena si Crystal habang papasok sila sa Korte ay hindi niya napigilan ang sarili na sugurin ito at pagsasampalin pero agad siyang pinigilan ni Duncan at ng mga pulis na kasama nito.
Hindi niya maitago ang panginginig ng katawan niya dahil sa sobrang galit na nararamdaman niya nang muli itong makita.
Kung ang nangyari lang sa kanya ang pag-uusapan ay maaari pa niya itong mapatawad lalo’t napatunayan niya na hindi nagtagumpay si Henry sa tangkang pa
