احببت توبا

الفصل الاول

"احببت توبا"

في فيلا المصري بالزمالك

تقوم توبا بعمل اتصال علي خطيبها عمر

توبا : الو ايوة عمر صباح الخير ..

عمر: صباح الخير ياتوبا..

توبا : عامل اي..

عمر :الحمدلله وانتي..

توبا :الحمدلله فاضي نتقابل باليل في الكافية اللي بنقعد فيه دايما ايه رايك..

عمر: تمام نتقابل باليل بإذن الله يلا سلام وقفل المكالمة

توبا بينها وبين نفسها

لامته ياتوبا هتفضلي مش مرتاحة كدا لامته هتفضلي تبدي بكل حاجة لامته انتي نسيتي انتي مين نسيتي انك الدكتورة توبا اللي بيتعملها ميه حساب في المستشفى يجي واحد زي عمر دا يحسسك انك مش موجودة وشغله اهم حاجة ولسه موضوع سلمي دي كمان عمر اللي كان هيموت عليكي دا اللي كان بيتمنلك الرضا ترضي....

ونزلت دموعها وفاقت من دموعها علي خبط الباب

مين اتفضل

عبد الرحمن : انا بابا ياحبيبتي

توبا : اتفضل يابابا

عبد الرحمن : صباح الخير يا احلي بنوته في الدنيا كلها و الله أي دا اي الدموع دي مالك فيكي اي عمر مزعلك ولا اي

توبا : لا يابابا انا بخير اطمن شوفت بس خبر وانا بقلب في الفيس وزعلت اوي وانت عارف ان دموعي بتنزل بسرعة، سيبك مني اي القمر دا يا دكتور حلاوتك ولا شاب عندو 30سنة بالكتير اوي هي ليلي شافتك وانت طالع كدا ومغرتش

عبدالرحمن : اولا انتي مش بتعرفي تكذبي وانا هعرف مالك بطريقتي وكفاية معا**ة بقا ليلي لو سمعتك هتغير اوي وتقلب عليا وبعدين 30 سنة مين دا هما 25بس ?

توبا : لا وانت الصادق دوال 15 سنة ?وانا قد والدتك ياعبده

عبدالرحمن : ماشي يا ماما مستناكي علي الفطار تحت يلا هاتي بوسه بابا بتاعت قبل الفطار

دخلت ليلي من ورا : بوسه ياعيني ياعيني يادكتور

عبد الرحمن: قلب الدكتور من جوه ?

توبا : بجد انتوا حلوين اوي انا نفسي ابقي زيكوا كدا لمه ابقي قدكوا واتحب كل الحب دا

ليلي قدنا مين هو احنا كبار ولا اي دوال هما 30سنة ياقلب مامي وبعدين انتي عمر هيخليكي اسعد انسانة في الدنيا

عبد الرحمن : انا بنتي هتكون ملكة لاخر عمرها وتعيش تتحب بس يانور عين بابا انتي

توبا : اه طبعا ?

ليلي : يلا عشان الفطار ياروحي

توبا : حاضر يا ماما نازله اهو

....................................................................

في فيلا دويدار في المهندسين

جالس الجميع علي طعام الفطار كل من يونس وعمار وأحمد والدهم وثريا والدتهم ..

عمار : هو كل يوم فطار من دا فين الفول والطعمية والحاجات اللي تفتح النفس دي انا افطر في الجامعة احسن..

ثريا : تموت في الق*ف ووجع قولونك انت ليه مش زي يونس وزينا بنحب الاكل الصحي النضيف..

عمار : تصدقي يا ماما انا نفسي اخدك ونروح نض*ب فول وطعمية وبصل ومخلل من عربية ابو دعاء اللي باكل عندو هتاكلي من هنا وتحسي بفرحة محصلتش..

يونس وأحمد بيضحكوا علي منظر ثريا وهي بتبص لعمار وهما بياكلوا وهيموتوا من الضحك

ثريا : ابو دعاء اقولك فيك اي خلصت كل كلامي فيك

يونس : واد ياعمار ماتعزمني انا عند ابو دعاء دا ومش هنسهالك العمر كلو..

عمار : عيوني يسطا سيب الاكل دا وبينا علي ابو دعاء

يونس : يلا بينا..

أحمد : دا يونس اللي بياكل صحي ياسوسو عليه العوض في عيالك..

ثريا : انا مش مصدقة نفسي ياأحمد والله حتي يونس هيبقا عمار التاني مش كفاية واحد

طبعا طنط ثريا دي شبة بسكوت نواعم كدا حاجة قمر وتتدخل القلب في تلاته دقايق ?

عمار : يونس اي رايك اكلم عمر وأدم يجوا عند ابو دعاء نفطر سوا

يونس : طبعا ياعموري اتصل بسرعة جيلك يا ابو دعاء جيلك ياغالي ?

..................................................

في جروب علي الواتس اب اسمه" هرمونات السعادة مخ**نا" ❤️?

سارة : صباح الخير يا نكدو منك ليها ياللي هرمونات السعادة مخ**اكوا ?

داليا : صباح الفل علي فرفشة حياتنا هتيجوا الحسين امته سندويتشات الكبدة تشتاق اليكم ?

توبا: صباح الخير ?

سارة : مالك يانكدو

داليا : توبا في مرحلة ما قبل الانتحار توبا بكرا احنا في الحسين هنا اتفقنا وانا خلاص ساعة واكون في المستشفى عندك سارة نتجمع بعد المستشفى لحد بكرا

توبا : مستنياكي يا داليا وسارة حاولي تخلصي عيادة بدري وتعالي اوك

سارة : عيوني ليكوا

توبا : معادي مع عمر باليل وهقول كل حاجة

داليا : بالراحة ياتوبا وخير أن شاء الله

سارة: اه بالراحة خلي الموضوع يعدي

............................

اتجمع الشباب عند ابو دعاء

ادم :ولا ياعمار هي السندوتشات دي حلوة كدا ازاي دا فول بالزبدة دا

عمار: ابلع بس وروح بوس ابو دعاء

يونس : عمار انا مكلتش سندويتشات بالحلاوة دي عمري احنا نفطر هنا كل يوم ويارب ماما ما تعرف

كلهم بيبصوا لعمر اللي بياكل وهو مستمع وفي وادي تاني.. يونس خ*ف الطبق من عمر وجري

عمر: سندوتشاتي ياحرامي السندويتشات

ابودعاء بيبص للشباب وواقع من الضحك

عمار : ابو دعاء اخواتي دوال خد بالك وليها قيمة في المجتمع والله بس معلش هما مهزقين دلوقت ، من سندويتشاتك اللي فيها سحر دي

ابو دعاء : ياباشا دا انا والعربية تحت امركوا والعزومة دي عندي عشان البشوات يجوا تاني

ادم : والله يا راجل ياطيب انا عاوز ابات عندك هنا

يونس: بجد يا ابو دعاء انت سندويتشات دي نزلت قلبي مش معدتي

عمر : ابو دعاء انت صاحبنا وحبينا خلاص كدا احنا عندك كل يوم

ابو دعاء : والله دا العربية زادها شرف بواقفتكوا دي وان مشالتكوش الارض هتكونوا فوق رأسي..

عمار: خلاص ياولاد متشكرونيش تعالو بوسوا ايدي وخلاص كفاية

وفطر الشباب وفضلوا يضحكوا ويهزروا وبعدين راح يونس وادم وعمر الشركة ودخل عمار الجامعة

.................................................................

بعد تجمع توبا مع صديقتها رجعت الي المنزل لكي تجهز نفسها للقاء عمر..

توضيح هنا ان عمر خطيب توبا شخص وعمر ابن عم يونس شخص تاني خالص..

بعد مرور ساعة جهزت توبا وارتدت فستان ما زادها الا جمالا علي جمالها فتوبا تمتلك ملامح جميلة جدا

توبا : ايوه يا عمر انا جاهزة ومستنياك

عمر: ثواني وهكون عندك سلام

وصل عمر لتوبا وراكبت السيارة وهي تنظر بتعجب

توبا: اي رأيك في الدريس ياعمر

عمر: كل حاجة انتي بتحليها

بيتكلم بكل برود الدنيا

توبا : ميرسي..

وصلوا الكافية وبدوا حديثهم

توبا : عمر انا هسالك علي حاجة وبعدين نكمل كلامنا

عمر : اتفضلي

توبا : مين سلمي؟

عمر اتخض من الاسم وبدا يفكر في الرد ولكن كانه عجز عن الحديث وينظر ليها باستغراب كيف عرفت توبا سلمي ومن اين.

عمر : مش هسالك عرفتي منين بس هي صاحبتي من أيام الجامعة وعادي بتكلمني ساعات تتطمن عليا زي اي اصحاب..

توبا :وبتخرج معاك وتروحوا تسهروا سوا في كافية....... بردو

عمر: انتي اتجننتي ياتوبا انتي بتراقبني اه بخرج معاها وبكلمها

توبا: يابجاحتك والله لا مش براقبك يامحترم بس لمه واحدة صاحبتي تكلمني تقولي عمر سهران في المكان الفلاني وبيضحك ويهزر مع سلمي الراوي اللي تقريبا مشهورة اوي ومصر كلها عارفها لازم افوق واعرفك مقامك كويس تعرف انت اخرك واحدة زي دي فعلا شهبك اوي ولايقة عليك ياباشمهندس كلمتين هقولهم وامشي ومش عاوزة اشوفك في حياتي تاني اولا ادي دبتلك اهي وبابا وماما انا هعرفهم بطريقتي وانسي توبا ياعمر اللي فضلت تجري وراها عشان تشوفك بس واوعي تفكر اني هزعل عليك دقيقة تبقا متعرفنيش

عمر: انتي اتجننتي خالص هتسبني عشان سهرت مع صاحبتي من ايام الجامعة دي صاحبتي عادي يا توبا هنفسخ خطوبتنا عشان حاجة زي دي

توبا : انا اتجننت لمه عرفت واحد زيك شخص اناني وكل حاجة نفسه وبس انت خاين ياعمر خاين

تركت توبا عمر وخرجت من المكان ولكن رغم قوتها الا ان دموعها كانت تنزل مثل المطر بمجرد خروجها من المكان وكانت تسير في الشارع بشكل عشوائي ولم تري أمامها وتفكر كيف هتتجاوز تلك الفترة كيف تعود توبا القديمة جرح عمر لم يكن هين في قلبها فقد **ر قلبها ولم يفكر بها لحظة واحدة كانت هي دايما من تبدا الحديث كانت هي من تفكر في كل شي هل هو ذلك عمر الشاب اللطيف الذي كان يهتم بها حد الجنون كيف تغير وبقي ذلك الشاب الغريب كيف فلم يدخل احد قلب توبا الا هو وتفيق توبا علي صوت عربية تأتي اليها بسرعة وكأن اختل توزنها وتخبط العربية توبا ولمه يستطيع السايق السيطرة حتي تسقط ارضا فاقدة الوعي.......

اتلم الناس حواليها ونزل يونس من العربية وقلبه هيقف من الرعب

يونس : والله العظيم هي كانت ماشية بعشوائية وانا مكنتش عارف اسيطر علي العربية انا هاخد المستشفى فورا

مجهول: ازاي يعني مش تفتح يااعمي

يونس: انا مش هرد عليك خالص انا هاخدها اوديها المستشفى واتمني القدر مايجمعنيش بيك تاني لانك هتدفع التمن غالي جدا

اخدها يونس بالعربية وبدا ينظر لها لم يجد بيها الا كادمة في رأسها وانها فاقدة الوعي وضع لها عليها منديل حتي وصل المستشفى

يونس :انتي وقعتي قدامي منين بس هو انا ناقص ياربي جيب العواقب سليمة

دخل يونس المستشفى وهو يحملها وينادي باعلي صوت علي دكتور لكي ينقذ الموقف..

يونس : الحقني يادكتور بسرعة

الدكتور: مالها يافندم

يونس : حادثة وقعت واغمى عليها

الدكتور : دخلوها جوه نشوف في اي بسرعة

دخل الدكتور بها ويونس واقف علي احر من الجمر وفي حالة لا يحسد عليها إطلاقاً...

بعد مرور بعض الوقت خرج الدكتور

الدكتور : اطمن خالص بس واضح ان الانسة كانت في حالة انيهار قبل ما يغمي عليها لان الضغط واطي جدا والحمد لله كادمة بسيطة في دماغها

يونس : انا يادكتور مش عارف عنها حاجة اطلاقا وقعت قدامي وجبتها على هنا بس الحمد لله انها جات سليمة

الدكتور: الحمدلله بس حضرتك اكيد معاك شنطه ليها عشان نعرف هي مين نكلم اهلها يجوا

يونس : اه الشنطة في العربية ثواني يا دكتور

ذهب يونس للعربية واخد الشنطة وبدا يفتش فيها حتي لقي المحفظة والتليفون ودخل بسرعة علي المستشفى اعطاهم للدكتور

الدكتور :ينهار ابيض دكتورة توبا عبد الرحمن المصري دا والدها صاحب مستشفى المصري دكتور عبد الرحمن

يونس: كان مستنيك كل دا فين يايونس يابركة دعاكي يا سوسو

الدكتور : في حاجة يافندم

يونس :لا ابدا ممكن حضرتك تكلم والدها وانا موجود هنا اهو مستني لمه يجي....

الدكتور: حاضر

......................................................

في فيلا دويدار

عمار: انا مكلم يونس من شوية وكان بيقول علي وصول اتأخر اوي

ثريا :قلقتني طيب شوفه كدا وخلينا نطمن.

عمار :حاضر

عمار ايوه يا يونس فينك

يونس : بعمل مشوار وجاي ويمكن اتأخر شوية

عمار: طيب انت بخير

يونس :اه كويس الحمد لله اطمن سلام

عمار : الحمدلله سلام

عمار: اطمني ياست الكل يونس بخير الحمد لله

وبعدين اي القمر دي انتي بتصغري ولا اي حلاوتك ياست الكل ياكنافة بالمانجا انتي

ثريا: ولد عيب بقا بت**ف

عمار : **وف اي بس دا انا لو مكنتش ابنك كنت طلبت ايدك ياحلو انت

أحمد :مالك ياواد ياقليل الادب في اي انا مش مكفيك ولا ايه وبعدين دي ملكية خاصة يعني محدش يقول كلام حلو ويغازلها غيري وبس

عمار : يغازلها انت قديم اوي يابو حميد اي جو عنتر وعبلة دا

ض*به احمد بالمخدة وبدوا في الضحك

وانتهى الفصل اتمني يعجبكوا واعرف رايكوا في الكومنتات

وياتري اي مستني توبا.......