Sascha
Kaarawan ko ngayon at masaya akong nag-inat ng aking kamay pagkagising ko. Iyong nangyari kahapon sa puntod ng kuya ni Keith ay nakatatak sa aking utak hanggang ngayon. Naisip ko nga na ang ganda naman ng birthday gift ko dahil hindi ko alam kung talaga bang nagtapat sa akin si Keith.
Hindi naman kasi niya nabanggit ang mga salitang ‘I love you’ sa akin kaya hanggat maaari ay ayoko sanang mag-assume. Ang kaso ay sa mga sinabi niyang iyon ay parang hindi ko na rin kailangan mag-assume dahil parang papunta na rin naman doon. Nakangiti akong pumikit at saka bumangon mula sa aking kama.
Naghilamos at nagsipilyo ako bago ako pumanhik sa baba at agad kong nakita ang isa sa mga kasambahay ni Keith. Kumuha na muna ako ng aking inomin sa refrigerator at habang umiinom ay narinig kong
