"P'RE, PAPATAYIN mo na ba 'yang atay mo?" nag-aalalang wika ni Jackson sa nagpapakalasing na si Cyrus nang minsang daanan niya ito sa bar kung saan nila hilig tumambay noon. "Puwede ka naman magsabi sa 'kin. Ako na lang ang papatay sa 'yo. Para mo nang pinapatay 'yong sarili mo dahil sa mga nangyari, eh."
Biro lang naman ni Jackson 'yon dahil mukhang pasan na ng kaibigan ang mundo dahil sa itsura nito, pero mukhang sineryoso iyon ni Cyrus kaya ay kaagad siyang tumahimik at itinaas ang dalawang kamay, tila ay sumusuko na ito.
"Manahimik ka," mariining sagot nito bago nilagok nang isang lagukan lang 'yong isang bote ng alak na hawak nito sa kanang kamay. "Paano mo ba nalamang nandito ako? Tangina, ang ingay-ingay mo."
Malakas ang senswal na tugtog sa paligid pero tila ay kay Jackson siya
