part 1

1396 Words

عشق من زمانا الي زمن الفراعنه. ـــــــــــــــــــــــــــــــــــــــــــــــــــــــــــــــ البارت الاول....... خلوني دلوقتي اعرفكم علي بطلة الرواية....... انا سمر عندي 20سنه وده بابا ودي ماما احن ام علي وجه الارض وخلونا نبدا في قصه النهارده. كنت قاعده عالسرير وبكتب في روايه كان لازم اخلصها عشان اققدمها في مسابقه وكنت بكتب عن فتي احلامي ومواصفاته وكنت بكتب في الروايه انه بدأ رحله حبه من مصر القديمه وبعد مخلصت الروايه ولسه هقفل الكتاب وفجاءه الكتاب نور وطلعت ايد منه وسحبتني وفجاءه لقيت نور ابيض جدا وبفتح عيني لقيت نفسي واقفه فوق الهرم ببص تحت لقيت الناس متحولين ولبسين لبس المصرين القدماء قلت في سري ياللهوي رحتي فين يسمر هي الروايه اللي انتي كتبتيه بتبتدي هو ده فعلا اللي كتبته في اول الروايه ويعد كده بصيت من تحت الاهرامات ولقيت الناس عمله زي النمل مش باين عليهم حاجه وبعد كده صوت باعلي صوتي وقلت باعلي صوتي.... يالهوووووووووي الحقوني اه ده كله اه ده كله وفجاءه محستش بنفسي الا وانا مغمي عليا وبدات افتح عيني ولقيت واحد جه عليا وقاللي هل انتي بخير قلتله بتعب انت مين ياروح ماما قاللي انا اخراتون قلتله امل فين اخوك اخناتون قاللي من اخناتون قلت في بالي شكله لسه مجاش قلتله بس انا اه اللي جابني هنا قاللي لااعرف. ولا اعرف مالذي وضعكي علي قمه الهرم قلتله ومين سمعك انا اللي غلطانه مكنتش كتبت في الروايه كده انا بنت معقده في الامور كلها اصلا قاللي ماأسمك قلتله سمر قاللي يعني اسمك سمانتون قلتله سمانتون سمانتون وماله كلها اسمي قاللي اذن انتي جئتي من المستقبل لتكوني زوجتي قلتله نعم بروح امك زوجتك مين بس روح اقعد علي جمب قاللي ماذا تقصدين قلتله اللله ده انت مش فاهم قصدي طب انا مبعرفش اتكلم لغه عربيه فصحي كويس اكلمه ازاي ابو طرطور ده بالتاج اللي لبسه ده قاللي نحن في كتبنا ستأتي انثي من المستقبل تدعي بسماناتون ووتتزوجني قلتله نعم يحلتها اتزوجك انتا روح لماما يحبيبي قال ايه سيبت اللاشقر وابو عيون خضره ورحت للفرعون قاللي انا لا افهم كلامك اريدك ان توضحي كلامكي قليلا قلتله ولا قليلا ولا كثيرا انا جوعانه قاللي انتي جائعه. قلتله ايوه جائعه يوجد عندكم اكل ام فقراء. قاللي بغضب انتي في قصر الملك قلتله يخريبيتك فكرتني ولقيته مقدملي سفره اشكال وألوان وكان واقف جمبه ناس شبه الكهنه بتوع المعابد وكذا بنت. الصراحه كنت جعانه اوي ومشفتش نفسي وقعدت اكل لحد ماكرشي بقا مترين اتملت رحتله وقلتله انا شبعت رد عليا وقاللي تعالي اجلسي بجوراري قريبا ستكونين زوجتي قلتله بهمس ده في احلامك يروح ماما وجه يوم عيد امون الاكبر وكله راح المعبد عشان يحتفل بعيد الاله امون قاللي هيا لنسجد لامون ليبارك لنا في عرسنا قلتله انا مش ساجده لأمون اللي مصنوع من الكمون بصلي بغضب وقاللي يجب ان تسجدي قلتله لا ساسجد ليلاهي ومن هنا جاتله فكره قرص الشمس ودعا الناس لعباده الشمس قلتله يخريبتك بقلك اعبد ربك تعبدلي شمس قاللي لا انا اعبد ربك ولاكن رمزت له بقرص الشمس ومن هنا تجيلو فكره انه يبقي اسمه اخناتون واول مجتلو الفكره افتكر اني قلتله كده اول مجيت استدعاني واول مجتلو قاللي اذا انتي تعرفين المستقبل صحيح قلتله يعني علي قدي مش أوي لسه بتعلم قالي استعدي سيكون حفل زواجنا غدا قلت في عقل بالي ده سدق ينهاري اقول لصحباتي ايه اقولهم اني مرات فرعون..... وفجأة ظهرلي واحد من الكتاب وقالي يجب ان تجعلي الملك يتركك اتخضيت مين ده كمان انت مين يا ابني بصلي وقالي انصتي الي لا تتزوجي الملك... قال يعني كنت مستنيه حد يقولي متتجوزيهوش. قولتله بدل ما انت طالع كدة شبه عفريت العلبة تعال وخرجني من هنا قالي لا استطيع انتي وحدك يمكنك مساعدة نفسك.... اساعد نفسي وانا من امته اصلا بساعد نفسي ده انا بلاقي نفسي واقعة في قلب المصيبة من حيث لا تدري..... لقيته بيقولي عن خاتم الملك هيديهولي كهدية منه بس قالي ان الخاتم سحر ولازم احافظ عليه لان دي الحاجة الوحيدة اللي هتخرجني من اللي انا فيه..... وفجأة لقيته اختفي انت روحت فين يا ابن المدايقة ومن هنا جاتلي الفكرة اني ابوظ الفرح ما انا مش هصوم وافطر علي فرعون... وقعدت افكر ايه اللي انا هعمله علشان اخلص من الورطة دي.... نمت ومحستش بنفسي غير اليوم التاني..... لقيت بنات جايين شكلهم شبه ابو طرطور اللي هتجوزه ده ولبسهم غريب..... واحدة منهم قربت مني وقالتي هيا لنجهزك لتستعدي لعرسك بصيت باستغراب كدة وقولت فين الفستان اللي هلبسه قالتلي وماذا تعني بالفستان قولتلها الفستان الأبيض ابو ديل يا اختي المنفوش ده بصتلي باستغراب وقالتلي من هو ابو ديل شديت شعري وانا بصوت يالهووووي عليا ابو ديل ده يبقي الكلب يا بت عارفاه قالتلي لا اعرف عن ماذا تتحدثين هيا سمو الاميرة لنجهزك لعرسك.. عرسي عرسة تبلعك انتي والملك بتاعك..... ولقيتها جايبالي لبس غريب قال ايه عاوزاني البسه بصيتلها وقولتلها ايه ده قالتلي هذه ثياب عرسك.... عند امك يا روح امك جايبالي فوطة احطها علي وسطي يا بت قالتلي ماذا قولتلها انا مش هلبس البتاع ده انا عاوزة الفستان ابو ديل ده اول بختي يا حبيبتي وانا مش هتجوز كل يوم قال البس قال انا البس البتاع المدلدل اللي، شبه بامبرز الاطفال ده لقيتهم استدعو الملك وجالي.... وده عاوز ايه ده كمان قالي ماذا يوجد يا سمانتون بصتله بعصبية وقولتله يرضيك كدة يا عم اخناتون عاوزين يلبسوني فوطة اداري بيها ايه دي ترضاها علي رجولتك..... قالي لا افهم حديثك ولكن فهمت انك منزعجة.... الله اكبر الله اكبر ودي عرفتها لوحدك ولا حد قالك فراعنة ايه دول يا ربي ده انتو تخلف ذهني انا بردو بقول اللي احنا فيه ده بالوراثة...... قالي من ماذا منزعجة قولتله من الهدوم دي قالي اتقصدين الثياب حسنا سأبدلها لك.... قولتله عليا النعمة انت اجدع واحد هنا... شوية ولقيت بنت جايه ومعاها فستان هوه مش شبه الفساتين بتاعتنا صحيح بس شكله كان حلو اوي ورقيق وشيك كدة اهي دي الحاجة اللي تتلبس..... خدته منها ولبسته وبصراحة قد ما انا كنت زعلانة بس فرحت اوي بالفستان كان شكلي حلو اوي والمجوهرات والتاج...... لبست وجهزت ما انا لازم اكون موزة يوم فرحي...... وبدأ حفل الزفاف....... وقولت في عقل بالي ايوة بقا الراقصة السلو هتبدأ كان نفسي اتجوز علشان اللحظة دي اعرف بيقولو ايه..... قال يختي العريس بيفضل ساكت طول العشر سنين خطوبة وييجي، يتكلم في اللحظة دي بلا و**ة....... المهم دخلت قاعة في القصر كبيرة اوي وفيها ناس كتير واخناتون بصلي وقالي هيا لنجلس..... قعد علي كرسي الملك وانا جمبه بصراحة حسيت بفخر كدة اللي هوه انا مرات ملك وبقيت ملكة فين صحابي يشوفو العز اللي انا فيه...... وبدأ الفرح والكل ساكت ايه ده انا فرحي يبقي سكيتي كدة بصتله وقولتله ايه ده قاللي سيبدأ عرسنا قولتله عرسك انا فرحي يبقي كدة ليه ده انا مرات فرعون انا فرحي مش اقل من الفرح اللي عمله ابو هشيمه لياسمين صبري..... قاللي من هذا اهو فرعون من المستقبل قولتله المستقبل مش فيه فراعنة يا اهبل قاللي ماذا تقصدين بأهبل قولتله ده مدح والكلمة دي جميلة لما نحب نمدح حد نقوله يا اهبل قاللي حسنا اذا انتي أهبل قولتله مش مشكلة اهبل اهبل انا مش عاوزاك تسيب حد غير لما تقوله انه اهبل قاللي حسنا سأفعل...... شوية ولقيت اخناتون بينادي علي واحد وبيقوله يا أهبل انا سمعت من هنا وكتمت ضحكتي...... وبدأت موسيقي وانا قاعدة اتف*ج عليهم ايه الق*ف ده فين طب هوبا شمال طب هوبا يمين او حمو بيكا فين يا قشطة بالزبادي خيبة عليكي يا سمر مكنتيش عارفة تكتبي في الرواية كدة اجيب منين الاغاني الفرفشة دلوقتي...... فضلت قاعدة شوية اسمع موسيقي بتهوفن ده بتهوفن احسن منها ومحستش بنفسي غير وحد بيصحيني.... اخناتون: سمانتون انتي بخير فوقت وبصتله ايه ده هوه انا نمت ده طبيعي انام بعد الموسيقي ده منظر فرح يلا اهي ليلة وهتعدي...... وبعدين لقيته بيديني خاتم وفيه الماظة افتكرت كلام الشاب اللي خرج من الكتاب وان الخاتم ده هيبقي الحاجة الوحيدة اللي هقدر اخرج بيها من هنا... خدت الخاتم وانا فرحانة ومبسوطة ولبسته...... وبدأ حفل الزفاف وقولت بقا خلاص هرقص سلو بس ارقصها مع فرعون مش مهم ...... ومع بداية الرقصة الفرعونية قولتله ايه ده يعني انا مش هرقص سلو لأ ده انا اود*كو في داهية..... واتلم شوية بنات حوالين بعض وبدأو يعملو حركات بإيديهم غريبة ويلفو..... انا بقا مش اقعد واسكت لأ ازاي قولت وربنا ما ينفع الرقصة عجبتني وقولت لازم اشارك فيها ولإني عارفة ان الملكة طبعا مش هتشارك في الرقص قولت في عقل بالي يا بت يا سمر لو شاركتي هيزعل واحتمال يلغي الفرح ده وقومت نازلة معاهم....... نزلت في وسط البنات وانا مش عارفة اعمل ايه...... وبقيت اقلدهم وانا بلف فقدت توازني زقيت البنت اللي جمبي وقعت ع الأرض يا اختي والنبي ما اقصد.... شوية وبلف تاني دةست علي رجل البنت صوتت وسندت علي بنت قدامها وقعو هما الاتنين انا اندمجت في الرقصة اوي وبقيت ارقص والطش في الكل..... لحد ما فجأة بلف وحصلت مصيبة.......... ولحد هنا هنقف واستنوني علشان تعرفو ايه اللي هيحصل تاني....... توقعاتكم❤❤❤......

Free reading for new users

Scan code to download app

App Store Google Play

Facebookexpand_more