"Magbihis ka, magtutungo tayo sa ospital dahil nagtangka daw ng magpakamatay si Janna Mae. Tumawag si Mommy at sinabing nasa bingit ng kamatayan ang kaibigan mo. Alam ko naman na kahit hindi naging maayos ang unang pagkikita ninyo ni Jann Mae dito sa Manila ay nag-aalala ka pa rin kahit papaano sa kanya." malamig ang boses turan ni Cedrick kay Janna. Tsaka ito tumaliko na.
Naiwan namang natitigilan si Janna, ramdam niya ang panlalamig ng pakikitungo sa kanya ni Cedrick. Hindi naman niya ito masisisi dahil wala naman talagang kapatawaran ang nagawa niya dito. Kaya kahit na nasasaktan siya sa pakikipag-usap nito sa kanya ay wala siyang magagawa kundi tumahimik na lamang. Hindi niya batid kung mapapatawad pa siya ni Cedrick pero umaasa pa rin siya na maging maayos silang dalawa. Kanina ng
