Sinimulan kong tikman iyong Wiener Schnitzel at nagulat ako dahil masarap nga ito. Parang lang siyang nuggets na bumagay sa kasama niyang vegetable salad. Kahit iyong iba pang pagkain lalo na iyong Goulash ay masarap din. Bumagay siya dito sa nai-serve na wine na hindi ko mabigkas ang pangalan.
“Surprisingly, you enjoyed the foods!” komento ni Sander nang maubos ko ang lahat ng nakahain sa harap ko. Ngayon nga ay itong dessert na ang nilalantakan ko. Talagang masarap at tama lang iyong tamis, lalo na iyong jam sa loob niya.
“Yeah! Ang sasarap ng mga pagkain nila,” masayang sabi ko. Natawa naman ito at pinunasan pa ang gilid ng bibig kong nalagyan ng icing mula sa cake.
Pagkatapos kumain ay naglakad-lakad kami at namasyal sa ilang pasyalang malapit lang dito. Napakaganda ng bansang ito
