"Naku, ang lakas ng ulan," pahayag ni Leah habang sumisilip sa labas ng bintana.
Kahit naman hindi sisilip ay rinig naman namin ang malakas nitong buhos sa yero ng bahay nila kaya alam naming malakas talaga ang ulan.
Pagabi na pero nandito pa rin kami sa bahay nina Calix dahil kaninang nagpasya kaming umuwi ay nataon namang bumuhos ang malakas na ulan.
"Tiyak baha na naman ngayon riyan sa dadaanan ninyo papuntang labasan kasi umaapaw iyong kanal riyan sa looban kapag ganitong malakas ang ulan," pahayag ni Nanay Veron.
Baha? Kanal? Isipin pa lang iyon ay parang nangangati na bigla ang mga paa ko.
Pasimple kong sinulyapan ang mamahalin kong suot na sapatos, tiyak kung ilulubog ko iyon sa baha ay papasok ang tubig sa loob at mababasa ang mga paa ko!
Yuck! Never akong lulusong sa baha! W
