Nang makabalik kami ng mansyon ni Kuya Carnell ay agaran din ako nagtungo sa aking kwarto para magpahinga. Pakiramdam ko ay naubusan ako ng maraming enerhiya sa aking katawan. Medyo napatakip pa ako ng aking mukha ng isang unan nang maalala kung ano ang pinagsasabi ko sa harapan ng hari.
"Huwag sana makarating kay Duke Cailen ang mga iyon... Nakakahiya..." bulong ko pa at sinapal ang sariling pisngi nang pumasok sa aking isipan ang hubad na katawan ng duke, "B-Baka akalain niya na pinagnanasaan ko ang katawan niya... Waaah! Nakakahiya talaga!"
Mabuti na lamang talaga ay nagawa ko na alisin pasamantala ang interes na mayroon ang hari sa akin. Nakakahiya man ang ginawa kong pamamaraan ay malaki naman ang naitulong nito sa sitwasyon namin ng duke.
Pero alam ko na hindi ko maitatago habang
