Kacelyn Samiano
“Don’t tell me… takot ka sa dilim?” tanong ko kay Brylle.
“What?”
Napalunok ako at mahinang napatikhim. Saka ko marahan na binawi ang braso ko mula sa pagkakahawak niya sa akin.
“Bilisan mo na… dito lang ako,” tugon ko sa kanya sabay iwas ko rin ng tingin.
Narinig ko ang mahinang pagngisi niya dahil sa sinabi ko saka siya humarap sa mga platong hinuhugasan niya. Panaka-naka akong sumusulyap sa kanya at ganoon din naman siya sa akin. Na sa tuwing magkakasalubong ang mga tingin namin sa isa’t isa ay agad din kaming nag-iiwasan ng tingin.
Dahil sa madilim na paligid at sa mumunting liwanag lamang ng gaserang gamit namin na pang-ilaw, ay bahagya kong nasisilayan ang malapad na likuran niya. At sa bawat paggalaw na ginagawa niya ay bumabakat naman ang mga muscles sa magkab
