Kacelyn Samiano
Naghihikab na bumangon ako sa kama. Ginusot-gusot ko pa ang mga mata ko nang abutin ko ang alarm clock sa bedside table upang patayin ito. Antok na antok pa ako dahil halos dadalawang oras pa lamang akong nakakatulog.
Magdamag ko kasing inisip ang katangahan at kagagahan na nagawa ko. At hanggang ngayon ay hindi ko pa rin matanggap ang lahat ng nangyari sa amin ng lalaking kinaiinisan ko sa lahat. Sobrang bigat sa loob ko na malamang bumigay ako sa kanya. Sobrang nakakagalit na malamang may nagyari sa amin. Na nakuha niya iyon sa akin. Nakakainis talaga!
At hindi ko na mabilang pa kung ilang beses akong nag-isip ng masisisi dahil sa nangyari. Sa huli't huli ay tanging sarili ko lamang ang napagbubuntungan ko ng sisi. Nangyari ang lahat ng iyon dahil sa kapabayaan ko. Kun
