انتي ملكي

part 5

تاني يوم نفس الروتين اللي مبيتغيرش عند شغف كل يوم نسخه من اللي بله حياتها ممله مفيهاش حاجه جديده قامت فطرت وودت شمس عند حنان واخدت شروق ودتها المدرسه وراحت علي شغلها دخلت المكتب لقت زين قاعد

شغف:السلام عليكم

زين:عليكم السلام هو انا ممكن اسألك سؤال

شغف:اتفضل

زين:انتي ليه بتشتغلي

شغف :اظن ده سؤال خارج الشغل مش من حقك تسأله

زين :انتي مش طيقاني ليه كده

شغف:يعني ايه مش طيقاك في حدود ي استاذ لازم تحطها لتعاملك مع الناس انت متعرفنيش ولا انا اعرفك الحاجه الوحيده للي بتجمعنا هي الشغل فنلتزم ونركز في الشغل وعلاقتنا بقي في حدود الشغل وبس ملهاش علاقه بحياتي الشخصيه ولو طلعنا من باب الشركه ابقي معرفكش اصلا

زين باعجاب:وانا محترم وجه نظرك دي جدا وعلشان كده نتعامل في الشغل بس ياريت تفكي التكشيره دي شويه والنبي انا بحب الفرفشه مبحبش اشوف حد قاعد جنبي زهقان

شغف:طيب ركز في شغلك بقي

زين:طيب مفيش فايده فيكي وراح علي مكتبه كمل الشغل جه معاد الانصراف وهي راحت المستشفي وكالعاده كلمت ياسمين وطلعت لادم دخلت اتوضت وصلت ودعتله وبعدها مسكت مصحفها وقعدت تقرأ فيها وبعد ما خلصت راحت قعدت جنب ادم

شغف:هاا ي حبيبي لسه رافض تقوم طب شوفت اللي حصل النهارده جه محاسب جديد الشركه اللي بشتغل فيها وبيحاول يفتح معايا كلام ميعرفش ان قلبي وعقلي وحياتي كلها مفيهاش ولا يمكن يبقي فيها راجل غير ادم المنياوي مفيش حد فاهم علاقتنا والرابطه القويه اللي مابينا احنا كنا بنحب بعض بجنون مفيش حد مقدر كده وانا متاكده انك بعد ماتقوم هتبقي هتحاول انك تكرهني بس هبقي لسه في قلبك حتي لو وهمت نفسك انك بتكرهني هتفضل تشتاقلي زي الاول فاكر كنت بتقولي ايه كنت بتقولي انتي النفس اللي بتنفسه انتي حياتي كنت بتقولي لو بعدتي عني ممكن اموت وبردو كنت بتقولي انك مستحيل تشك فيا فاكر ي ادم ايه اللي خلاك تشك فيا ومتسمعليش وانا بحاول افهمك انت مش كنت بتقولي انا بفهك من نظره عنيكي مفهمتينيش لي وقتها مكنتش برضي اقولك علي معامله مامتك ليا علشان خوفت تزعل مني كانت دايما بتقولي انها هتخرجني من حياتك وفعلا قدرت انها تخرجني منها بس اكيد هيجي يوم وتعرف الحقيقه وترجعلي وساعتها انا متأكده ان قلبي الغ*ي هيخليني اسامحك ويمكن بكلمه منك انسي كل اللي حصل بص بقي بكره شمس هتكمل الخمس شهور هجيبها بكره ياادم علشان تشوفها تشوف بنتك اللي انت متعرفش انها في الدنيا اصلا يلا انا همشي دلوقت علشان اروح لشمس وبكره ان شاء الله هجيبهالك تشوفها يمكن لما اجيبهالك تقدر تخرج من الحاله اللي انت فيها دي

مع السلامه ي حبيبي وباست جبينه ونزلت

ياسمين:هتفضلي تيجي كده كتير بقالك سنه بتيجي هنا كل يوم وهو مش بيفوق بردو وباللي انتي حكيتيهولي ده كده لو فاق هيخرجك من حياته اصلا

شغف:ومين قالك ان اول ما يقوم انا هبقي موجوده اصلا انا دلوقت عايشه في بيت اهلي القديم وهو ميعرفش عنه حاجه يعني مش هيبقي عارف مكاني اه هنبقي في نفس المدينه بس مش هيعرف مكاني انا طول مانا بعيده عنه انا كده بحميه لانه مش هيطلقني الا لو ظهرت في حياته تاني بس انا هبقي بعيده هراقبه من بعيد بس يارب يقوم بالسلامه بقي

ياسمين:هو ممكن حد يحب بالطريقه اللي بتحبي بيها ادم دي حاسه انها قصه خياليه

شغف:ادم ده كان كل حاجه في حياتي انتي مش متخيله لما دخل المستشفي انا حسيت ان روحي بتتسحب مني بقيت جسم من غير روح اه بشتغل وبخرج بس كل ده علشان بنتي انا لو شمس مكانتش جت حياتي صبرتني شويه كان زماني موت

ياسمين:ربنا يقومهولك بالسلامه ي حبيبتي

شغف:انا قررت اجيب شمس هنا بكره

ياسمين:بجد طيب بصي انا هاجي بكره المستشفي الساعه 3 يعني تقريبا معاد خروجك من الشركه هعدي عليكي نيجي هنا مع بعض وبالمره اشوف شمس وحشتتي اوي

شغف:ماشي ي حبيبتي يلا نروح بقي ومشو ياسمين راحت بيتها وشغف راحت لحنان كالعاده ودخلت اخدت شمس منها

حنان :هاا شمس سكتت اهي كملي حكايتك ي ست هموت واعرف ايه اللي حصل بعد ماحكيتي لادم عن حياتك

شغف:حاضر اسمعي

فلاش باااك

شغف:بعد اللي سمعته ده مش هتقبل تتجوز واحده تكون عبئ عليك هي واختها

رفعت رأسها بصت ليه لقت في عينيه نظره غريبه معرفتش تحدد هي ايه بالظبط

ادم:خلصتي كلام هاااا الفرح امتي بقي??

شغف بصدمه:فرح ايه

ادم:انتي اللي حكيتيهولي ده علي فكره زود اعجابي بيكي علي فكره لو واحده تانيه مرت باللي انتي مريتي بيه ده كانت ات**رت ومقدرتش تقف علي رجلها تاني بعد اللي حكيتيهولي ده انا اتاكدت انك بنت ب 100 راجل وانتي اللي هتحافظي علي بيتي هاااا نكتب الكتاب امتي

شغف:انت بتتكلم جد

ادم:طيب علي بركه الله كتب الكتاب الاسبوع الجاي والفرح بعد شهر

شغف:مش بسرعه اوي كده

ادم:نعمل كتب كتاب الاول علشان ناخد علي بعض شويه وبعدين نبقي نعمل الفرح براحتنا

شغف:طب ازاي هتقدمني لاهلك اكيد مش هيقبلوا واحده زي

ادم:واحده زيك انتي ليه مقلله من نفسك كده ي بنتي مفيش حد هيعترض ولا حاجه وبعدين مفيش حد يقدر يرفض قرار لادم المنياوي يلا معادنا بعد اسبوع ي عروسه وياريت تاخدي الاسبوع ده اجازه علشان تجهزي نفسك وتفكري كويس

شغف لسه مصدومه:ها

ادم:ها ايه ايه الصدمه دي يلا علي مكتبك?اه نسيت كتب الكتاب هيبقي في الفيلا عندي هبقي ابعتلك عربيه تاخدك تجيبك الفيلا قوليلي عنوانك بقي

شغف:حاضر ومشت وهي مصدومه ومش مصدقه بس فرحانه

روحت البيت وهي طايره من الفرحه وقالت لشروق وشروق فرحت اوي انها هتبقي مع ادم علطول وعدي الاسبوع وفعلا شغف مراحتش الشغل

وجه يوم كتب الكتاب الصبح لقت رساله من ادم بيقولها انه بره قدام بيتها فلبست الاسدال وفتحتله الباب وشروق واقفه جنبها شروق اول ما شافت ادم جرت عليه حضنته

شروق:انا مبسوطه اوي انك هتبقي معانا علطول

ادم:انا اللي مبسوط اني هيبقي عندي بنوته قموره كده وبص لشغف وقال:يلا اجهزوا علشان هنروح الفيلا كل حاجه هناك الفساتين والميكب ارتست

شغف:بس مينفعش

ادم:هو ايه اللي مينفعش يلا اجهزوا بسرعه واطلعوا

لبسوا وطلعوا لادم اخدهم الفيلا وقال للشغاله تطلعهم اوضتهم طلعوا وبدأوا يجهزوا وكانت شغف مستغربه انها مشافتش مامته خالص في الفيلا

بالليل جه المأذون ونزلت شغف لقت الفيلا متزينه بطريقه جميله وفيها ناس بس مش كتير نزلت خ*فت انظار الكل ليها كان جمالها هادي وحاطه ميكب بسيط خالص مش باين اصلا نزلت هي وشروق والمأذون بدأ يكتب الكتاب واول ما قال بارك الله لكما وبارك عليكما وجمع بينكما في خير لقت ادم راح عندها باس راسها

ادم:الف مب**ك لاحلي عروسه وبدأ يعرفها علي الناس واخدها راح عند اسر

ادم:طبعا انتي عارفه اسر ابن عمي

شغف:ايوه شوفته في الشركه قبل كده وبصت لاسر اتشرفت بحضرتك

اسر:الشرف ليا وبلاش حضرتك انتي مرات اخويا احب اعرفك مريم مراتي بتبص شغف لقت بنت جميله في منتصف ال*قد التاني مش حاطه ميكب ولابسه حجاب انبهرت بشكلها وعرفت اد ايه العائله دي محترمه

مريم :اتشرفت بمعرفتك ي شغف اسمحيلي بقي نكون اصحاب

شغف :الشرف ليا طبعا هنبقي اصحاب

ادم:معلش بقي ي جماعه هخ*ف عروستي شويه وبص لمريم وقال:مريم لو سمحتي ممكن تخلي شروق خدو شروق معاكي في الفيلا عندكوا انا هاخد شغف ساعه وجاي

مريم:طبعا ممكن يلا ي قمر تعالي معايا فشروق بصت لشغف تاخد اذنها شغف حركت راسها انها تروح معاهم

ادم :متخافيش عليها مريم هتاخد بالها منها هما الفيلا بتاعتهم جنب بتاعتنا بالظبط يلا نمشي احنا

وفجأه بتبص شغف لقت اثنين ستات جايين بتبص لاول واحده لقتها يبان من شكلها انها صغيره في السن بسبب الفستان القصير اللي لحد بعد ركبتها بشويه والميكب الكتير اللي هي حطاه لكن في الحقيقه دي بتكون صفيه والده ادم في بدايه ال*قد الخامس من عمرها

اما الثانيه بقي فهي شاهندا بنت خاله ادم بنت في نهايه ال*قد الثاني لابسه فستان قصير جدا يظهر اكثر مما يخفي وباين الضيق علي ملامحها فجأه قربت شاهندا من ادم وباست خده وقالتله مب**ك ي دومي ده كله تحت نظرات صدمه من الكل واولهم ادم وشغف وتحت نظرات خبث من صفيه

**************

يتبع