مر شهر بعد خروج ادم في المستشفي
-ادم بدأ ينزل الشركه وبيحاول ميفكرش فيها بس دايما بيحس انها جنبه
-شغف بتراقب ادم من بعيد قبل ماتروح شغلها
-زين وياسمين علاقتهم قويت اوي وبقو بيتكلموا دايما بس طبعا مكالمتهم مش بتخلي من المشا**ات وياسمين اعترفت جواها انها بتحبه بس لسه مقالتلوش
-مصطفي وحنان بيحاولوا يفرحوا شغف بأي طريقه علشان شايفينها بتتعذب وصعبانه عليهم اوي
************************
في بدايه يوم جديد نزلت شغف راحت قدام شركه ادم لحد ما شافته وهو داخل وعنيها بتدمع نفسها تروحله ومش قادره مسحت دموعها ومشت راحت علي شغلها قابلت زين
زين:ايه ي بنتي شكلك عامل كده ليه انتي كل يوم تيجي شكلك معيطه هي صاحبتك تجنني وانتي تنكدي عليا ياسمين حكتلي كل حاجه شغف انتي لازم تشوفيه وتحكيله الحقيقه
شغف:مش هقدر مش هيصدقني انت متعرفوش لما بيتعصب لو شافني احتمال يقتلني
زين:من حكايتكوا باين انكو بتحبوا بعض
