Chapter 21
Nang gabing 'yon ay walang kaalam-alam si Evajoy sa nangyari kay Rodrigo.
Pinilit niyang makatulog ng maaga at pinatay ang kanyang cellphone. Gusto niyang makatulog ng mahimbing kahit isang gabi lang na walang istorbo.
Kinabukasan ay lumipad kaagad siya pauwi ng Pilipinas. Gusto niyang makitang muli ang ina.
Hindi parin siya nawawalan ng pag-asa na muling magkakamalay ang kanyang Mommy.
Marami pa siyang papeles na aasikasuhin. Ililipat niya ng private hospital sa probinsiya nila ang kanyang ina.
Walang ibang tumanggap na hospital sa kanyang Mommy kundi ito lang. Kahit may kamahalan ay makakapagbayad pa naman siya.
Maghahanap siya ng trabaho doon o kahit na saan. Basta ang importante ay makalayo sila ng kanyang Mommy sa gulo na kanyang ginawa!
Ayaw niyang mapahamak ito!
