DALAWANG araw rin na nagsanay ang buong Triple X sa ilalim ng pangangalaga ni Georgette. Kahapon ay Linggo at muli silang bumalik sa gym upang matutunan ang tamang paraan sa pagsipa. Hindi gano'n kadali subalit masaya si Georgette dahil kahit papaano ay nakikita niya na pursigido na matuto ang buong Triple X.
Araw ng Lunes at pasukan na naman. Tahimik na naglalakad si Georgette sa kahabaan ng hallway nang mapansin niya ang mga nagkukumpulang estudyante sa bawat sulok at may kung anong pinag-uusapan. Hindi na lamang niya pinansin ang mga ito at ipinagpatuloy ang paglalakad hanggang sa makarating siya sa kanilang silid.
Agad niyang natanaw ang buong Triple X na nag-uusap sa isang tabi. Lumapit siya sa kinaroroonan ng mga ito at nakangiting binati ang pitong lalaki.
"Ano'ng mayro'n?" tanon
