"BAGO ko ituturo sa inyo ang mga tamang paraan sa pakikipaglaban ay kailangan niyo munang ihanda ang inyong mga sarili. Maupo kayo sa mat dahil mag uumpisa tayo sa pag wa-warm up. I-krus ang mga binti, kamay sa ibabaw ng mga tuhod at ipikit ang mga mata." Naupo si Georgette sa mat at ginawa ang kanyang instruction. Narinig niya ang mahinang pagtawa ng mga ito kaya naimulat ng dalaga ang kanyang mga mata. Tuminghala siya at tinitigan ang pito.
"Georgette, sabi mo warm-up hindi yoga. May alam naman kaming mga stretching kaya ipaubaya mo na sa amin 'to," sabi ni Sven at agad na sumuntok sa hangin.
"Sven, halika. Maupo ka sa harapan ko," utos ni Georgette sa kaibigan.
"Ha? Bakit?" Nag-alangan man ito noong una subalit agad din naman itong sumunod. Nagtawanan ang ibang miyembro ng Triple X
