TINIKLOP ni Georgette ang laptop ng daddy ni Lyndsy matapos niyang makita ang mga impormasyon na nakapaloob dito. Tumayo siya at naglakad papunta sa sliding door na dinaanan niya kanina sa pagpasok. Ngayon ay alam na niya kung saan niya hahanapin ang kanyang kaibigan.
Licaniel Lee, isang businessman. Nagmamay-ari ito ng kompanya ng alak. Mayaman, kilalang tao at lider ng isang asosasyon, ang BlackTop. Isa ang BlackTop sa kilalang asosasyon ng mga gangster na nakabasi sa Pilipinas. Layunin ng mga ito na mag-recruit ng mga baguhang miyembro, sinasanay at hinahanda bago kikilalaning mga tunay na gangster. Hindi lingid sa kaalaman ng dalaga ang gano'ng pamamalakad ng bawat asosasyon.
Ayon sa nalaman niya, nakatira si Mr. Lee sa isang ekslusibong subdibisyon, ang A-list. Mahigpit ang segurid
