Wala akong imik na uminom ng tsaa habang nasa sala, nakatanaw sa malayong bintana kung saan unti-unti nang lumulubog ang araw. Mainit ang tasa sa aking mga palad, pero mas malamig pa rin ang pakiramdam sa dibdib ko.
Hindi mawala sa isipan ko ang mga salitang binitawan ni Ate Athena.
“You know what kind of family Atticus came from. You know what kind of world he runs, right?”
Alam ko… oo, alam ko na hindi basta-basta ang pamilya ni Atticus. Noon pa man ay may naririnig na akong mga usap-usapan. Mga aninong bumabalot sa apelyidong Koznetsov, mga lihim na hindi basta naibubunyag sa publiko.
Mula sa kwento ni Atticus noong minsang naglakas-loob akong magtanong, nalaman kong ang pamilya niya ay hindi ordinaryong negosyante. Ang kanilang yaman ay galing sa mga kumpanyang mahirap pasukin, mga
