“Sigurado akong hindi kayo magkakaproblema ni Uncle kung sakaling malaman niya na may relasyon tayo, Quinn,” sabi ko dahil halatang iyon ang iniisip niya. “At saka, sa tingin mo ba pipigilan ka pa niya gayong gurang ka na?”
“What?” Ang sama ng tingin niya sa akin dahil sa sinabi kong gurang na siya gayong totoo naman. “Ulitin mo nga iyong sinabi mo.”
“Alin po doon?” maang-maangan kong tanong. “Ang dami kong sinabi kaya hindi ko alam kung alin po ang uulitin ko sa mga sinabi ko.”
“You always said that I'm old.” Kita mo na. Narinig naman pala niya pero gusto niya pang ipaulit sa akin.
“Wala namang masama kung matanda ka na,” ani ko. “Hindi naman big deal sa akin ang edad mo dahil ang mahalaga sa akin ay gusto kita. Mahal na nga siguro kita, eh.” Seryoso ako habang nagsasalita para mara
