Magkahawak-kamay naming tinungo ni Yvo ang daan pabalik sa bahay. Walang nagsasalita sa aming dalawa pero bakas sa mukha ng isa't-isa ang kasiyahan. Kapag nagkakasalubong ang aming mga tingin, sabay kaming iiwas at ngingiti.
Ibang-iba pala talaga kapag kasama mo ang taong mahal mo. Kahit hindi niyo sabihin, naiintindihan ninyo ang gustong ipahiwatig ng isa't-isa.
Saktong nakabalik kami ng bahay nang bumuhos ang ulan. Malakas ang hangin at ganoon na rin ang alon sa dalampasigan.
Nagpaalam si Yvo na aakyat muna siya dahil isasara niya mga bintana at pinto ng veranda. Ako naman ay dumeretso sa kusina at naghanap ng pwedeng lutuin para sa pananghalian. May nakita akong mga karne kanina sa ref kaya nagdesisyon akong magluto ng sinigang na baboy. Tamang-tama dahil umuulan at malamig ang panah
