MIKKO
Maliban sa matinding galit, kinakabahan akong hindi mawari dahil sa pagkikita naming iyon ni Yvo. Hindi man siya nagtanong at hindi man ako nagsabi, sa tingin ko ay alam na niyang bulag ako.
Mabuti't hindi na niya ako hinabol pa dahil hindi ko alam kung ano ang maaaring gawin ko sa kanya. Gustong-gusto ko siyang sumbatan at sisihin sa lahat ng ginawa niya sa akin pero pinili ko na lang ang manahimik. Sa tingin ko kasi kapag ginawa ko iyon, magiging talunan lang ako. Wala rin naman akong mapapala at magmumukha lang akong tanga sa harap niya at hindi ko gugustuhing mangyari 'yon.
Awang-awa na ako sa sarili ko nang umiyak ako pagkatalikod ko sa kanya. Doon pa lang, talo na ako. Ipinagpapasalamat ko na lang na naging bulag ako dahil hindi ko kayang makita ang mukha niya. Ang mukha ng
