Hataw
------------------
Napahagulgol na lang ako sa sobrang pagkadismaya. Iyon bang sinaktan ka na nga, niyurakan, ininsulto pa ang iyong pagkatao. Tila napaka-cheap kong tao. Iyan ang turing niya sa akin. Pagkatapos niya akong traydurin, bigla na lang niya akong hahalikan na parang wala lang nangyari. Ano iyon? Iyong mga hayop nga kapag sinaktan mo, marunong silang magtampo. Alam nila kung ang isang tao ay nananakit sa kanila. At tao ako, hindi hayop.
Nang nilingon ko siya, naaninag ko mula sa ilaw na nanggaling sa nakasinding flash light na natumba pala siya sa lakas ng aking pagtulak. Kasalukuyang inayos niya ang kanyang sarili. Umupo siya sa sahig at isinandal ang kanyang likod sa sementong dingding. Hindi niya ako nilingon. Nakatingin siya sa kawalan.
“S-sorry ‘tol kung
