Lalong namutla si Vesper. Ang bonus na sinasabi ni Iridessa ay ang perang pampatahimik sana niya sa kanyang pamilya para hindi malaman ng mga ito ang kanyang mga ginagawa, pero lumalabas na si Iridessa pa ang nag-abot nito sa paraang hindi niya inaasahan.
"Triton, hindi... nagsisinungaling siya—"
"Enough!" sigaw ni Triton na naging sanhi ng pagtalon ni Vesper sa gulat. Hindi niya inaasahan na pinapakinggan na ni Triton ang asawa nito.
"Hiyang-hiya ako sa sarili ko na nabulag ako ng isang katulad mo. Ang akala ko ay tapat ka, pero isa ka lang palang ahas na naghahanap ng pagkakataong makatuklaw. My wife... Iridessa... she has every right to destroy you. Pero sa kabila ng lahat, nakuha pa niyang tulungan ang pamilya mo habang ikaw ay nandito at pilit na sumisira sa amin."
Tumayo nang
